Belako

Klikatu argazkien gainean handiago ikusteko

Aurreko urteetan baino zertxobait lehenago heldu da 2024ko Euskal Herria Zuzenean festibala. Ekainaren 28tik (ostirala) 30era bitarte izango da Arberatzen, eta gustu guztiak asetzeko moduko musika-eskaintza prestatu dute. Nagusiki herriko plazan eta pentzean izango dira hitzorduak, eta orotara 42 emanaldi izango dira.

Broken Brothers Brand Bandek emango dio hasiera jaialdiari hilaren 28an, herriko plazan. Egun horretan bertan ariko dira, baita ere, Belako, Benizze, Janus Lester, Sei Sega, Meule, Pelax, Euskabaret, Bananbas, Auhen eta Tshegue ere.

Larunbatean, izen nabarmenen artean, Gorka Urbizurena eta Anarirena ageri dira. Eszenatokira igoko dira, baita ere, Süne, Su Ta Gar edota Nakar.

Igandean, itxiera egunean, EzEzEz, Rüdiger eta Gozategiren txanda izango da, besteak beste.

Oraindik ere badira txartelak salgai, egun solteetarako nahiz hiru eguneko bonua eskuratzeko ere, HEMEN